RDC: irahira ry'abagize leta nshya ryarogowe n'abatavuga rumwe na leta.

Bruno Tshibala Uwufise ububasha kw’isanamu AFP
Image caption Bruno Tshibala niwe ministri w'intebe mushya muri Repubulika iharanira demokarasi ya Congo

Muri Repubulika iharanira demokarasi ya Congo, umuhango wo kurahira kw'abagize leta nshya warogowe n'abadepite batavuga rumwe na leta bavuzaga amafirimbi mu nteko nshingamategeko.

Baravuga ko leta ya ministri w'intebe Bruno Tshibala itemewe n'amategeko ngo kubera ko ishyirwaho ryayo ritubahirije amasezerano ya politiki hagati y'Ubutegetsi n'abatavuga rumwe nabwo.

Ayo masezerano yashizweho umukono ku itariki ya 31 z'ukwa cumi na kabiri umwaka ushize.

Uwufise ububasha kw’isanamu Getty Images
Image caption Perezida Joseph Kabila manda ye ya nyuma yarangiye umwaka ushize.

Icyifuzo cy'abadepite batavuga rumwe na leta cyuko abagize leta batarahizwa cyari cyanzwe n'inteko nshingamategeko ikigenzurwa n'urunani rw'amashyaka ashyigikiye Perezida Joseph Kabila.

Abatavuga rumwe na leta bashinja Perezida Kabila gukora uko ashoboye kugirango agume ku butegetsi.

Ubundi manda ye ya nyuma yarangiranye n'ukwezi kwa cumi na kabiri k'umwaka ushize ariko yavuze ko azaguma ku butegetsi kugeza igihe amatora abereye.