Abaturage bo muri Centrafrique barahungira muri RDC

Ingabo za ONU muri Centrafrique Uwufise ububasha kw’isanamu AFP
Image caption Ingabo za ONU muri Repubulika ya Centrafrique

Abantu babarirwa mu bihumbi bahunga ibikorwa ry'urugomo muri Repubulika ya Centrafrique barimo kwerekeza muri Repubulika iharanira demokarasi ya Congo (RDC).

Mu mpera z'icyumweru gishize habaye imirwano ikomeye mu mujyi wa Bangassou muri icyo gihugu.

Ishami rya ONU ryita ku mpunzi - HCR - riravuga ko hafi abantu ibihumbi bitatu bambutse umupaka kandi ngo abandi barimo kubakurikira.

Umuryango w'abibumbye uravuga ko benshi muri aba bantu babayeho nabi kandi ko batabashije guhungana utwabo.

Mu Repubulika iharanira demokarasi ya Congo abo bahunga binjirira mu ntara ya Bas-Uele aho abakozi bo mu buvuzi bahanganye n'icyorezo cy'indwara ya Ebola ivugwa muri iyo ntara.