Umukobwa w'i Chibok yatorotse Boko Haram

Abakobwa b'i Chibok Uwufise ububasha kw’isanamu AFP
Image caption Mu kwezi kwa 10 abakobwa 21 bararekuwe.

Umwe mu bakobwa b'i Chibok bashimuswe n'umutwe ugendera ku matwara akaze y'idini ya Islamu, Boko Haram muri Nigeria hashize imyaka irenga itatu, yawutorotse.

Leta ya Nigeria iravuga ko ingabo zayo arizo zamubonye.

Izo ngabo ziri mu gikorwa cyo kurwanya umutwe wa Boko Haram mu majyaruguru y'uburasirazuba bwa Nigeria.

Izina ry'uwo mukobwa n'ukuntu amerewe ntabwo byatangajwe ariko Femi Adesina - umujyanama udasanzwe w'umukuru w'igihugu - yavuze ko uwo mukobwa atakiri mu maboko ya Boko Haram.

Bwana Adesina yavuze ko usimbuye umukuru w'igihugu muri kino gihe - Yemi Osinbajo - yatangarije iyo nkuru mu nama ya leta ikorwa buri cyumweru.

Mu cyumweru gishize abakobwa 82 b' i Chibok bararekuwe igihe leta na Boko Haram bahererekanyaga imfungwa nyuma y'imishyikirano yamaze igihe kirekire.

Abo bakobwa byitezwe ko bazashyikirizwa imiryango yabo mu mpera za kino cyumweru.