Comey yemeye gutanga ubuhamya mu ruhame

James Comey (Ibumoso) na Perezida Trump Uwufise ububasha kw’isanamu Reuters
Image caption James Comey (Ibumoso) na Perezida Trump

Akanama k'inteko nshingamategeko gashinzwe ibibazo by'ubutasi katangaje ko James Comey - uherutse kwirukanwa k'ubuyobozi bwa FBI - yemeye kuza imbere yako gutanga ubuhamya mu ruhame.

Ibyo ngo azabikora nyuma y'umunsi w'ikiruhuko wo kwibuka intwari zaguye ku rugamba uzaba ku itariki ya 29 z'ukwa gatanu.

Umukuru w'ako kanama, Richard Burr wo mu ishyaka ry'aba Republicains, yavuze ko yizeye ko Bwana Comey azasobanura neza ibyamubayeho mu minsi ishize.

Ku ruhande rw'abo mu ishyaka ry'abademokarate, Mark Warner, yatangaje ko ari byiza rwose ko Bwana Comey ahabwa umwanya wo kwivugira ubwe uko byagenze kandi ko ari byiza ko abanyamerika babyumva.

Uwufise ububasha kw’isanamu Reuters
Image caption Perezida Trump hari abakomeje kumunenga kubera kwirukana umukuru wa FBI.

James Comey yatumiwe n'inteko nshingamategeko na sena kugirango atange ibisobanuro bihagije ku kwirukanwa kwe no ku iperereza rikorwa na FBI ku ruhare rw'Uburusiya mu matora y'umukuru w'igihugu yabaye muri Leta zunze ubumwe za Amerika umwaka ushize.