Korea ya ruguru yagerageje ikindi gisasu

Igisasu Uwufise ububasha kw’isanamu Reuters

Korea ya ruguru iravuga ko yagerageje igisasu cya rutura cyo mu bwoko bwa ballistique cyagenze mu kirere hafi ibirometero 500 mbere yo kugwa mu nyanja y'Ubuyapani.

Umugaba w'ingabo muri Korea yepfo yasohoye itangazo ryemeza ko icyo gisasu cyarasiwe hafi ya Pukchang mu karere kari mu burengerazuba bwa Korea ya ruguru ku mupaka.

Leta y'Ubuyapani yamaganye yivuye inyuma igeragezwa ry'icyo gisasu yavuze ko cyaguye hanze y'akarere kagenzurwa n'Ubuyapani.

Uwufise ububasha kw’isanamu Getty Images
Image caption Korea ya ruguru iherutse kwerekana intwaro zikomeye ifite mu karasisi.

Perezida wa Korea yepfo - Moon Jae-in - yahise atumiza inama yihutirwa y'umutekano kugirango iganire ku byerekeranye n'icyo gisasu.

Korea ya ruguru imaze igihe igerageza ibisasu bya rutura, bimwe bigasandara ntaho biragera.

Amahanga arangajwe imbere na Leta zunze ubumwe za Amerika akomeje kwiyama abategetsi ba Korea ya ruguru abasaba kudakomeza kugerageza bene ibyo bisasu.