Umubyigano i Turin: Polisi iravuga ko abantu 1.500 bakomeretse mu Butaliyani

Piazza San Carlo, Turin, 3/06/2017 Uwufise ububasha kw’isanamu EPA
Image caption Abafana benshi bataye inkweto zabo ndetse n'ibikapo

Polisi mu Butaliyani iravuga ko abantu bagera ku 1.500 bakomerekeye mu mujyi wa Turin nyuma y'uko ibishashi by'umuriro byateye kugwirirana mu ijoro ryo ku wa Gatandatu.

Abafana babarirwa mu bihumbi bari bateranye bareba umukino wa nyuma w'igikombe cya Champions League hagati ya Juventus na Real Madrid waberaga mu mujyi wa Cardiff igihe humvikanye urusaku rw'ikintu abantu bikanga ikintu giturutse.

Abantu babiri barimo n'umwana w'imyaka irindwi bakomeretse bikomeye.

Real yatsinze Juventus 4-1 itwara igikombe cya Champions League ku nshuro ya 12.

Mu gihe haburaga iminota 10 ngo umukino urangire, ikivunge cy'abantu bagwiriranye bava mu rusisiro rwa Piazza San Carlo.

Ibikapo n'inkweto byasigaye aho mu rusisiro nyuma y'uko abantu birutse basakuza.

Hari amakuru avuga ko umwana w'imyaka irindwi ari mu bitaro kandi ameze nabi cyane kubera ibikomere mu mutwe no mu gatuza.

Bamwe bakomeretse igihe ibyuma byari bikikije urusisiro byagwaga.

Kuri bamwe mu bafana ba Juventus, ibi byabibukije andi mahano y'ihungabana muri sitade ya Heysel mu 1985, aho abantu 39 bapfiriye benshi biganjemo Abataliyani, igihe urukuta rwabagwiraga mbere y'umukino wa nyuma w'igikombe cy'Uburayi mu mukino Juventus yakinaga na Liverpool.

Uwufise ububasha kw’isanamu AFP
Image caption Abantu benshi bari bateraniye mu rusisiro bareba umukino wa nyuma wa Champions League.
Uwufise ububasha kw’isanamu AFP
Image caption Mu gice cya kabiri Juventus yarushijwe cyane na Real
Uwufise ububasha kw’isanamu EPA
Image caption Iminota 10 mbere y'uko umukino urangira, urusaku rw'ikintu cyaturitse rwateye impagarara mu bafana.
Uwufise ububasha kw’isanamu AFP
Image caption Abantu batatanye n'inshuti zabo mu gihe birukaga bakiza amagara yabo
Uwufise ububasha kw’isanamu Reuters
Image caption Abafana bakomeretse bafashijwe kuva ahabereye umubyigano
Uwufise ububasha kw’isanamu AFP
Image caption Urusisiro rwasigayemo inkweto ndetse n'ibikapo by'abafana birutse bakiza ubuzima.
Uwufise ububasha kw’isanamu EPA
Image caption Polisi iri gukora iperereza ku cyateye izi mpagarara