Amatora y'Ubwongereza 2017: Ipawundi ryaguye cyane nyuma y'ibipimo by'amajwi y'agateganyo

idolari Uwufise ububasha kw’isanamu Reuters
Image caption Ipawundi ryaguye cyane nyuma y'ibipimo by'agateganyo by'amajwi yavuye mu matora rusange.

Ipawundi ryaguye cyane nyuma y'ibipimo by'amatora ari gutangazwa.

Amasoko y'imigabane yari yiteze intsinzi idasubirwaho y'ishyaka rya Ministiri w'Intebe, Theresa May, ariko kugeza ubu uko ibintu bimeze, ndetse n'ibipimo by'amajwi byakusanyijwe nyuma y'ifunga ry'ibiro by'amatora, birashyira igihu ku ntsinzi y'ubwiganze bw'ishyaka riri ku butegetsi rya Conservative.

Ku wa Kane nijoro ipawundi (ifaranga rikoreshwa mu Bwongereza) ryaguye ugereranyije n'idolari ku kigero cy'ibice bibiri n'igice. ryavunjaga amadolari 1.27.

Ryongeye kuzamuka gato ariko isoko ry'imigabane riracyabigendanamo ubwitonzi.

Kubera ibipimo by'amajwi byafashwe nyuma y'amatora, hari urujijo ku ntsinzi y'ubwiganze mu nteko ishinga amategeko ku ishyaka ry'aba Conservative ibi bikaba byatera igihu mu rwego rw'ubukungu ndetse no gukerereza ibiganiro Ubwongereza bugomba kugirana n'Umuryango w'Ibihugu by'Uburayi, EU, bizwi nka 'Brexit', nyuma y'uko Ubwongereza butoreye kuva muri uyu muryango.

Uwufise ububasha kw’isanamu Getty Images

Ibimenyetso biragaragaza ko Conservative rishobora kubona amajwi menshi ariko rigatakaza imyanya 17 mu nteko ishinga amategeko, byitezwe ko rishobora kubona imyanya 314.

Ipawundi ryari rimaze iminsi rimeze neza mu ruhando rw'amasoko y'imigabane ku rwego mpuzamahanga.

Neil Wilson, umusesenguzi mukuru w'ikigo cy'imigabane cyitwa ETX Capital yavuze ko ibipimo by'amajwi byatangaje amasoko y'imari ku buryo butangaje.

Yagize ati:

"Byaba biboneye kuvuga ko umujyi [London] wari witeguye intsinzi y'ubwiganze bw'aba Conservative."