Amatora mu Bwongereza: Uwahoze ari Minisitiri w'Intebe wungirije yatsinzwe

Nick Clegg Uwufise ububasha kw’isanamu PA

Nick Clegg wigeze kuba Minisitiri w'Intebe wungirije mu Bwongereza yatsinzwe amatora rusange ya 2017.

Uwahoze ari umuyobozi wa rimwe mu mashyaka akomeye mu bwongereza, Libral Democrat, Nick Clegg, wahoze ari na minisitiri w'intebe wungirije, yatisnzwe amatora bityo atakaza umwanya we mu nteko ishinga amategeko ku mwanya yari arimo kuva mu mwaka wa 2005.

Yatsinzwe n'uwitwa Jared O'Mara ugiye mu nteko ishinga amategekoku nshuro ya mbere.

Ibimenyetso by'amajwi y'agateganyo birerekana ko Libral Democrat (Lib Dems) rishobora kubona imyanya 14 mu nteko ishinga amategeko.

Ryiyongereyeho imyanya ugereranyije n'umunani ryari rifite mbere mu matora aheruka.

Bwana Clegg yayoboye ishyaka rye rijya muri guverinoma ihuriweho n'ishyaka ry'aba Conservative muri 2010 yungiriza uwari Minisitiri w'Intebe David Cameron.

Muri icyo gihe ishyaka rye ryari rifite imyanya 57 mu nteko ariko nyuma y'imyaka itanu, ryarayitakaje risigarana umunani gusa.

Abayobozi bo ku rwego rwo hejuru mu ishyaka rya Lib Dems barahiye ko nta guverinoma ihuriweho izongera kubaho nyuma y'uko aba ibimenyetso by'amajwi y'agateganyo byerekana ko aba Conservative bananiriwe gutsinda ku bwiganze.

Ibiro bishinzwe itangazamakuru mu ishyaka byakoresheje urubuga nkoranyambaga bivuga ko nta "masezerano" cyangwa imikoranire ya "guverinoma ihuriweho" bizabaho.