Ibyavuye mu matora rusange: Theresa May ari ku gitutu nyuma y'amatora rusange

Theresa May Uwufise ububasha kw’isanamu Reuters

Ubwongereza bugiye kugira inteko itagira ubwiganze nyuma y'igice cy'amajwi menshi amaze kubarurwa.

Ibi bivuze ko Minisitiri w'Intebe,Theresa May, wahamagaje amatora rusange ashaka ubwiganze mu nteko, ahubwo ari bukorwe n'isoni atakaza n'imwe mu yo yari afite mbere yo gutangaza icyemezo cy'amatora ya huti huti.

Kugeza ubu amajwi hafi ya yose amaze kubarurwa, ishyaka riri ku butegetsi rya Conservative ryatakaje imyanya ariko rizakomeza kuba rifite intebe nyinshi mu nteko ishinga amategeko.

Kubera ko nta shyaka na rimwe ryagize ubwiganze bw'amajwi 326, ibi bisobanuye ko ishyaka riri ku butegetsi rya Madamu May rizagomba kwisunga irindi shyaka rito kugira ngo ashinge guverinoma nshya.

Umuyobozi w'ishyaka ritavuga rumwe n'ubutegetsi rya Labour wagiye mu matora adahabwa amahirwe yo gutsinda yabonye imyanya myinshi mu ishyaka rye.

Jeremy Corbyn yavuze ko abaturage berekanye ko barambiwe na gahunda za guverinoma zo kwizirika umukanda.

Yanavuze ko ibi byagombye kuba igihe cya May kwegura. Ariko theresa May yavuze ko igihugu gikeneye umutuzo.

Uwufise ububasha kw’isanamu Reuters
Image caption Theresa n'umugabo we Philip May bageze ahabaruriwe amajwi y'aho batoreye

Bamwe mu badepite bo mu sinhyaka rya Conservative bamusabye kugenzura akareba uko umwanya we uhagaze mu ishyaka.

Ikigero cy'abitabiriye amatora cyiyongereye kurusha amatora aheruka.