Trump yoba yarabangamiye ubutungane?

Robert Mueller. ifoto ya kera Uwufise ububasha kw’isanamu Reuters
Image caption Robert Mueller ariko agira amatohoza ku ruhara rw'Uburusiya muri politike ya Amerika hamwe n'ico Trump abiziko.

Prezida wa Amerika Donald Trump ariko agirwako amatohoza n'umunyamategeko adasanzwe Robert Mueller, kuvyo bise kubangamira ubutungane, nk'uko vyandikwa n'ikinyamakuru ca Washington Post.

Ico kinyamakuru kivuga ko abategetsi bo mu rwego rwo hejuru bemeye kubazwa n'abagira amatohoza barungitswe na Mueller.

Abashingwamanza ba Trump bavuga ko inyifato ya FBI yo gushira ahabona iyo nkuru, ari ikintu kibi cane.

Muller ni we yashizwe kugira amatohoza ya FBI yo kumenya nimba Uburusiya bwarivanze mu matora ya Amerika mu mwaka wa 2016 hamwe n'uko Trump yoba yarabigizemwo uruhara urwo ari rwo rwose.

Uwigeze gutwara FBI agiye gutohoza ko Uburusiya bwivanze mu matora ya US

Trump: Itohoza rya FBI ni "nko guhiga umurozi"

Prezida Trump rimwe na rimwe yagiye ararahira ko ata migenderanire n'imwe bafitaniye n'Uburusiya.

Ku musi wa gatatu, ikinyamakuru ca Washington Post caratangaje ingingo ya Mueller yo gutohoza inyifato ya prezida Trump nk'ingingo ikomeye cane muri ayo matohoza.

Uwufise ububasha kw’isanamu Reuters
Image caption Donald Trump

Abategetsi batavuzwe amazina babwiye ico kinyamakuru ko amatohoza yo kwihweza ko Trump yabangamiye ubutungane yatanguye kera inyuma y'aho Trump yirukaniye umukuru wa FBI, James Comey itariki 9 z'ukwezi kwa gatanu.

Imbere y'uko yirukanwa mu kazi, Trump yari yabwiye Trump ko atari we ariko agirwako amatohoza.

Trump "yasavye" Comey kudakurikirana Flynn

Kuva ico gihe, Comey avuga ko Trump yagerageje kumwumvisha ko yohagarika amatohoza yariko aragira ku muhanuzi wiwe ajejwe ibibazo vy'umutekano Michael Flynn.

Flynn yakuwe mu kazi mu kwezi kwa kabiri azize kutavugisha ukuri ku mibonano bagiranye na Sergei Kislyak, asanzwe aserukira Uburusiya muri Amerika.