Gabon : Roland Désiré Aba' yatawe muri yombi

Perezida Ali Bongo Ondimba, akikijwe n'abafasha be. Uwufise ububasha kw’isanamu Getty Images
Image caption Perezida Ali Bongo Ondimba, akikijwe n'abafasha be.

Umunyapolitiki utavuga rumwe na leta muri Gabon, Roland Desire Aba'a, yatawe muri yombi nyuma yo gutera ubwoba avuga ko azaturitsa ibisasu mu nyubako abantu benshi bahuriramo niba Perezida Ali Bongo ateguye.

Mbere yuko avuga ibyo, agatsiko k'abagabo bitwaje imbunda ngo kari kinjiye ku ngufu mu nyubako amaradiyo na televiziyo bikoreramo mu murwa mukuru Libreville kagerageza gusaba ko ibyo bitangarizwa rubanda.

Intsinzi ya Perezida Bongo mu matora y'umukuru w'igihugu yo mu mwaka ushize yakuruye impaka nyinshi ku buryo hari benshi batekereza ko yari yatsinzwe n'umukuru w'abatavuga rumwe na leta, Jean Ping.

Ibiro bya Jean Ping byatangaje ko bifite impungenge ko ibi ubutegetsi bishobora kubyitwaza maze bugakoresha ingufu z'ikirenga mu kurwanya abatavuga rumwe na bwo.

Roland Desire Aba'a yari mu ihuriro ry'amashyaka yari ashyigikiye Jean Ping mu matora kandi hari amakuru avuga ko yifuzaga ko Perezida Bongo yemera ko Jean Ping ariwe watsinze amatora.