Mu Bufaransa bari mu matora y'abadepite

Emmanuel Macron n'umugore we , Brigitte Trogneux, bari ku magare hafi y'inzu yabo kuwa gatandatu. Uwufise ububasha kw’isanamu Reuters
Image caption Emmanuel Macron n'umugore we , Brigitte Trogneux, bari ku magare hafi y'inzu yabo kuwa gatandatu.

Mu Bufaransa bazindukiye mu kiciro cya kabiri cy'amatora y'abadepite mu gihe ishyaka rishya rya Perezida Emmanuel Macron - uherutse gutorwa - ryizeye kubona ubwiganze mu nteko nshingamategeko.

Bitezwe ko ishyaka rye - La Republique en Marche ryashinzwe hashize umwaka urenga -riza kubona hafi bitatu bya kane by'intebe mu nteko nshingamategeko y'Ubufaransa.

Kimwe cya kabiri kirenga cy'abakandika b'iryo shyaka muri aya matora ntibigeze na rimwe bajya mu myanya y'ubuyobozi.

Ugutorwa kwabo kwaba ari igisebo gikomeye ku mashyaka yari amenyerewe mu gihugu y'abasosiyalisiti n'abatsimbarara ku matwara bagenderaho kuva kera.

Aya mashyaka akaba yari amaze imyaka myinshi asimburana ku butegetsi mu Bufaransa.