Igitero cy'ingabo za Irak mu mujyi wa Mosul

Habaye imirwano ikaze. Uwufise ububasha kw’isanamu Reuters
Image caption Habaye imirwano ikaze.

Ingabo za leta ya Irak ziravuga ko zagabye igitero mu gace kahozemo umujyi wa Mosul kera utaraguka.

Ziravuga ko icyo gitero kiri muri gahunda yo kwisubiza uduce tw'uwo mujyi tukiri mu maboko y'umutwe wiyita Leta ya Kiyisilamu - IS - nyuma y'amezi umunani imirwano itangiye.

Itangazo rya minisiteri y'ingabo ya Irak riravuga ko abasirikare kabuhariwe n'igipolisi barimo kugana muri ako gace baturuka mu majyepfo no mu burengerazuba.

Ariko umutwe wiyita Leta ya Kiyisilamu uravuga ko washubije inyuma ingabo za leta nyuma yo kurwana nazo mu gihe cy'amasaha menshi.

Uwufise ububasha kw’isanamu Getty Images
Image caption Igikorwa cyo kwisubiza Mosul cy'ingabo za leta ya Irak kimaze amezi 8.

Mu minsi ishize, umuryango w'abibumbye waburiye abantu ko izo ntagondwa z'abayisilamu zishobora kuba zarafasheho ingwate abaturage b'abasivili barenga ibihumbi ijana muri kugirango zibihishe inyuma mu mirwano muri uwo mujyi.

Hari amakuru avuga ko abarwanyi b'umutwe wa IS zakoresheje imodoka mu gufunga imihanda y'agace umujyi wa Mosul wahozemo utaraguka ngo nyinshi muri izo modoka zatezwemo ibisasu.