Imodoka yagonze ku bushake iy'abapolisi i Paris

Umupolisi Uwufise ububasha kw’isanamu Reuters

Urwego rushinzwe kurwanya iterabwoba mu Bufaransa burimo gukora iperereza ku gisa n'igitero aho umuntu yagongesheje imodoka ye iy'abapolisi ku muhanda wa Champs-Elysees - uzwi cyane mu mujyi wa Paris.

Iyo modoka yahise ishya ikimara kugonga iy'abapolisi.

Hari amakuru yavugaga ko abapolisi bamenaguye ibirahure by'iyo modoka maze basohoramo uwari uwitwaye.

Uwufise ububasha kw’isanamu EPA
Image caption Abapolisi bashinzwe gutegura ibisasu

Minisitiri w'ubutegetsi bw'igihugu, Gerard Collomb, yabwiye abanyamakuru ko umushoferi w'iyo modoka yapfuye ariko ko ntabandi bahasize ubuzima.

Yanavuze kandi ko igipolisi cyahavanye muri iyo modoka icupa ryarimo ririmo gaz, imbunda ikoreshwa ku rugamba, masotera ndetse n'amasasu.

Mu kwezi kwa kane k'uyu mwaka, umupolisi yishwe arashwe ku muhanda wa Champs-Elysees hasigaye iminsi mike cyane ngo habe ikiciro cya mbere cy'amatora y'umukuru w'igihugu.