Abantu miliyoni 65 bavuye mu byabo

Abavuye mu byabo Uwufise ububasha kw’isanamu AFP

Ishami ry'umuryango w'abibumbye rishinzwe impunzi ku isi ryasohoye icyegeranyo cyerekana imibare y'abantu bakuwe mu byabo n'intambara ku isi. Imibare yongeye kurenga ibipimo.

Mu mpera z'umwaka wa 2016 abantu miliyoni 65.6 ku isi bagizwe impunzi cyangwa se bakurwa mu byabo bahungira mu gihugu hagati.

Umuryango w'abibumbye uravuga ko umutwaro munini uri ku bihugu bikennye kenshi bibakira nabyo bidashinga.

Abanya Syria miliyoni 12 - ni ukuvuga babiri kuri batatu mu batuye Syria - ubu ni impunzi.

Intambara yo muri Syria yabaye ndende kurusha intambara ya kabiri y'isi.

Muri 2016 amakimbirane mashya muri Sudani yepfo yatumye abantu babarirwa muri za miliyoni bava mu byabo.

Uwufise ububasha kw’isanamu Getty Images
Image caption 84% b'izo miliyoni 65 z'abavanywe mu byabo n'intambara bari mu bihugu bikennye.

Intambara zisanzwe zo muri Afghanistani zigije kure ikizere cyo gutahuka kuri miliyoni z'abanya Afghanistani.

Ishami rya ONU ryita ku mpunzi, HCR, rivuga ko amahanga agomba gukora uko ashoboye kugirango amakimbirane aboneka hirya no hino abonerwe umuti.

84% b'izo miliyoni 65 z'abavanywe mu byabo n'intambara bari mu bihugu bikennye cyangwa mu bihugu bidakennye cyane.

ONU yizeye ko iyi mibare yari itaragerwaho mu mateka izatuma ibihugu bikize birushaho gufasha.

Atari mu kwakira izindi mpunzi gusa, ahubwo no gufasha mu gushaka amahoro no mu gusana ibyangijwe n'intambara.

Uturere twinshi twa Syria ubu twasenyutse tutasanywe izo miliyoni 12 z'abanya Syria bavuye mu byabo ntabwo bazataha.