Mu mujyi wa Beni habaye imirwano ikaze

Mu karere ka Beni hasanzwe hari ingabo za Congo n'iza ONU. Uwufise ububasha kw’isanamu AFP
Image caption Mu karere ka Beni hasanzwe hari ingabo za Congo n'iza ONU.

Mu burasirazuba bwa Repubulika Iharanira Demokarasi ya Congo mujyi wa Beni habaye imirwano ikarishye mu masaha ya kare y'igitondo cy'uyu wa kane.

Abatuye i Beni bavuze ko abagabo bitwaje imbunda zikomeye babanje kugaba igitero ku kigo cya gisirikare isaa kumi n'igice za mu gitondo maze bahava berekeza ku ishuri ryaho no ku biro by'umukuru w'akarere.

Abo bagabo bahise bafata - mu gihe cy'isaha - inzu iradiyo yahongaho ikomeye ikoreramo ariko mu nyuma igisirikare kirayisubiza.

Amakuru ava mu gisirikare i Beni aravuga ko abo bagabo bateye baturuka mu mitwe yitwaje intwaro y'abamayimayi kandi ko nyuma y'imirwano ikaze yabahuje n'igisirikare ubu ituze ryagarutse muri uwo mujyi.

Abanyamakuru baho baravuga ko babonye imirambo ine imbere y'ibiro by'umukuru w'akarere bivugwa ko ari iy'abateye.

Iki gitero kibaye nyuma yaho abagabo bitwaje intwaro bagabye mu cyumweru gishize igitero kuri gereza nkuru yo mu mujyi wa Beni kigahitana abantu 11 maze abanyururu 900 bagatoroka.

Kugeza ubungubu abanyururu 75 nibo ubutegetsi bwabashije kongera gufata.