Ubwato bwarohamye muri Colombiya: Batandatu bapfuye, 16 baracyaburiwe irengero.

Abategetsi muri Colombiya baravuga ko abantu bagera kuri batandatu bapfuye nyuma y'uko ubwato bwarohamye mu majyaruguru y'uburengereazuba.

Baravuga ko abantu 133 bashoboye gutabarwa ariko 16 baracyaburiwe irengero igihe ubwato bwa Almirate bwarohamiraga hafi y'umujyi wegereye amazi wa Guatapé.

Ubwato bwari butwaye abantu 170. Uwabonye uko byagenze wari uhari witwa Juan Quiroz yabwiye BBC ko ubwato bwarohamye mu gihe kitageze ku minota itanu.

Icyo gihe ubundi bwato busanzwe bukoreshwa muri ayo mazi mu buryo bwo kwishimisha bwihutiye kuza gutabara, buvana abantu bamwe mu mazi.

Bamwe mu barokotse binubiye ko batari bahawe amakoti yifashishwa mu gihe cy'impanuka yo mu mazi, bita "life jackets".

Nyuma gato, kajugujugu n'imodoka byaje gutabara.

Uwufise ububasha kw’isanamu AFP/Getty Images
Image caption Ababashije gutabarwa bari bahahamutse
Uwufise ububasha kw’isanamu AFP/Getty Images
Image caption Ibikorwa byo gushakisha abarohamye birakomeje.
Uwufise ububasha kw’isanamu AFP/Getty Images
Image caption Perezida Santos (hagati) yageze i Guatapé kwisuzumira uko ibintu byagenze

Perezida wa Colombiya Juan Manuel Santos, wafashe urugendo yerekeza ahabereye impanuka ku Cyumweru, yavuze ko abantu batandatu bapfuye. Mbere abategetsi bari bavuze ko hapfuye abantu icyenda.

Abantu barenga 20 bajyanwe kwa muganga kuvurwa ku bitaro bya Guatapé.