Afurika y'epfo: Umugabo araregwa gufotora rwihishwa umugore wonsa

Ibigo by'akazi bimaze igihe bishyirwaho igitutu ngo bishyireho ahantu habugenewe abagore bonsereza Uwufise ububasha kw’isanamu ISTOCK
Image caption Ibigo by'akazi bimaze igihe bishyirwaho igitutu ngo bishyireho ahantu habugenewe abagore bonsereza

Kaminuza ya Cape Town yamaze guhagarika ku kazi uwo mugabo. Arashinjwa gushyira icyuma gifata amajwi n'amashusho ahantu h'ibanga ho muri iyi kaminuza ku itariki 13 z'uku kwezi kwa gatandatu.

Uyu mugore yanditse ku rubuga rwa interineti ko arakajwe n'ukuntu konsa umwana we "byafashwe nko kwerekana imyanya yerekeranye n'igitsina, bikozwe mu buryo bwa kibwa nk'ubu".

Uwo mugabo yamaze kumenyeshwa ibyo aregwa kandi amaperereza arakomeje.

Igipolisi cyo mu ntara ya Western Cape cyemeje ko ikirego kijyanye no kwangiza ku bushake icyubahiro cy'umuntu, kiri gukorwaho iperereza ku mugabo w'imyaka 38 y'amavuko wakoraga muri kaminuza.

Ibitangazamakuru muri Afurika y'epfo byasubiyemo amagambo y'uyu mubyeyi avuga ku "gushengurwa" yatewe n'ibyo avuga ko yakorewe.

Yari ari ahantu yatekerezaga ko hari "umutekano kandi hakinze" mu gihe yonsaga, nuko aza kubona ko yabaga ari gufatwa amajwi n'amashusho.

Yagize ati: "Ndashenguwe kubera ukuntu tuba mu isi aho ababyeyi [b'abagore], uko bahitamo kugaburira abana babo kose, babizira kubera ari abanyantege nke".

Ku isi, ibigo by'akazi bimaze igihe bishyirwaho igitutu ngo bishyireho ahantu habugenewe abagore bonsereza.