Intare zatorotse pariki muri Afurika y'epfo

Hari ubwoba ko izi ntare zizagerageza kwica amatungo ari mu mirima ituranye n'icyaro cya Matsulu Uwufise ububasha kw’isanamu Getty Images
Image caption Hari ubwoba ko izi ntare zizagerageza kwica amatungo ari mu mirima ituranye n'icyaro cya Matsulu

Itangazo ryashyizwe ahagaragara na pariki y'igihugu y'Afurika y'epfo rivuga ko izo ntare zatorotse pariki y'igihugu ku cyumweru nijoro. Ziheruka kubonwa mu gace k'icyaro ka Matsulu.

Iryo tangazo riburira abaturage "kwitwararika cyane".

Ntibiramenyekana uburyo izo ntare zatorotse pariki, ubundi isanzwe izitiye ahantu hanini.

Pariki y'Afurika y'epfo ni imwe muri za pariki nini cyane muri Afurika. Ifite ubuso bwa kilometero kare 19 485.

Muri iryo tangazo, William Mabasa, umuvugizi wa pariki y'igihugu, yagize ati:

"Abarinzi ba pariki y'igihugu na bagenzi babo bo mu kigo cy'ubukerarugendo cya Mpumalanga bari muri ako gace bashakisha izo ntare kandi turaza gutanga amakuru y'icyo bagezeho tukimara kuyabona".

Yongeye gusaba abaturage kuba menge ndetse bakamenyesha abayobozi igihe cyose baba babonye izo nyamaswa z'inkazi.

Iri toroka rw'intare ribaye nyuma yaho izindi ntare eshanu nazo zitorotse iyi pariki mu kwezi kwa gatanu. Enye muri zo zarafashwe ariko kugeza na n'ubu intare ya gatanu ntiramenyerwa irengero.