Muri Turikiya bibutse iburizwamo ry'ihirikwa ry'ubutegetsi

Abanyaturikiya bahuriye ku kiraro aho abantu benshi bahuriye umwaka ushize bamagana ihirikwa ry'ubutegetsi. Uwufise ububasha kw’isanamu EPA
Image caption Abanyaturikiya bari ku kiraro abantu benshi bahuriyeho umwaka ushize bamagana ihirikwa ry'ubutegetsi.

Mu mijyi ya Istanbul na Ankara muri Turikiya abantu benshi barimo guhurira hamwe ngo bibuke umwaka ushize bamwe mu basirikare bagerageje guhirika ubutegetsi bikabapfubana.

Abo basirikare icyo gihe barashe ku nyubako za leta kandi banarasa ku baturage b'abasivili muri icyo gikorwa cyabapfubanye.

Abantu barenga magana abiri na mirongo itandatu bahasize ubuzima.

Uwufise ububasha kw’isanamu EPA
Image caption Perezida Erdogan ageze ahaza kubera umwe mu mihango yo kwibuka uwo munsi.

Perezida Erdogan, wari ugiye gufatwa hakabura gato, araza kugeza ijambo ku nteko nshingamategeko ku mugoroba ku isaha inyubako yayo yarasiragwaho umwaka ushize.

Abamushyigikiye babona ko iburizwamo ry'ihirikwa ry'ubutegetsi bwe byatumye igihugu gitangira kwiyuburura.

Uwufise ububasha kw’isanamu AFP
Image caption Ibyapa byibutsa abantu uwo munsi byashyizwe hirya no hino mu gihugu

Ariko abamunenga bavuga ko yataye muri yombi abantu ibihumbi 50 naho abakozi ba leta ibihumbi 150 bakirukanwa cyangwa se bagahagarikwa ku kazi.