Itegeko rishya rigenga ubucamanza muri Pologne

Abacamanza muri Pologne Uwufise ububasha kw’isanamu Reuters

Abasenateri muri Pologne bemeje itegeko ritavugwaho rumwe na benshi rigamije kuvugurura ubucamanza muri icyo gihugu.

Baritoye mu rukerera rw'uyu munsi nyuma y'amasaha arenga 12 bari mu mpaka z'urudaca muri sena.

Amashyaka atavuga rumwe na leta aravuga ko afite impungenge kubera ko iri tegeko riha inteko nshingamategeko - yiganjemo ishyaka rifite amatwara akaze rivuga ko rirengera amategeko n'ubutabera - ububasha bwo gushyiraho umucamanza uyobora urukiko rw'ikirenga muri icyo gihugu.

Inteko nshingamategeko y'Uburayi n'imiryango iharanira uburenganzira bw'ikiremwamuntu iravuga ko iri tegeko rishobora kugira ingaruka mbi ku bwigenge bw'ubucamanza.

Ariko minisitiri ushinzwe ubutabera wa Pologne avuga ko ayo mahinduka akenewe cyane ngo kubera ko uburyo bukoreshwa muri kino gihe mu gushyiraho abacamanza butajyanye na demokarasi.

Perezida wa Pologne niwo ugomba gusinya bwa nyuma iri tegeko kugirango ritangire gukurizwa ariko nta kintu na kimwe cyerekana ko atazarishyiraho umukono.