Castro yamaganye politiki ya Trump kuri Cuba

Raul Castro Uwufise ububasha kw’isanamu AFP/Getty images
Image caption Raul Castro yavuze ko kugerageza gusenya ibyazanzwe na revolusiyo ntacyo bizageraho.

Umukuru wa Cuba, Raul Castro, yamaganye ku nshuro ya mbere icyemezo cya Perezida wa Amerika Donald Trump cyo kudakomeza kurushaho gutsura umubano n'igihugu cye.

Perezida Castro yavuze ko ibikorwa byose byo kugerageza gusenya ibyazanzwe na revolusiyo ntacyo bizageraho.

Perezida Trump yakajije ibihano byo mu rwego rwo gutembera n'ubucuruzi byafatiwe Cuba.

Ariko ambasade ya Amerika i La Havane - yafunguwe na Perezida Barack Obama - imiryango yayo iracyafunguye.

Bwana Castro ibyo yabivugiye imbere y'inteko nshingamategeko.

Bwabaye ubwa mbere agira icyo avuga kuva aho ubutegetsi bwa Amerika butangarije politiki nshya kuri Cuba hashize ukwezi.

Uwufise ububasha kw’isanamu Getty Images
Image caption Perezida Trump avugira i Miami.

Bwana Trump yagabanije umuvuduko wa gahunda yo gutsura umubano na Cuba kubera impungenge avuga ko atewe no kutubahiriza uburenganzira bw'ikiremwa muntu ku birebana n'abatavuga rumwe na leta muri Cuba.

Benshi muri abo batavuga rumwe na leta bakaba barahungiye i Miami muri Amerika aho Trump yatangarije politiki ye kuri Cuba mu kwezi gushize.

Uwufise ububasha kw’isanamu Getty Images
Image caption Barack Obama na Raul Castro

Raulo Castro azareka ubutegetsi mu mezi arindwi ari imbere ariko azakomeza kuba umukuru w'ishyaka rya gikomunisiti.