Netanyahu ari mu Bufaransa

Netanyahu na Macron mu muhango wo kwibuka Uwufise ububasha kw’isanamu EVN
Image caption Netanyahu na Macron mu muhango wo kwibuka

Ministri w'intebe wa Isiraheli, Benjamin Netanyahu ari i Paris mu Bufaransa mu mihango yo kwibuka imbaga y'abayahudi bafatiwe mu mukwabo mu Bufaransa muri 1942 igihe bwagenzurwaga n'ingabo za Hitler.

Abayahudi barenga ibihumbi 13 barafashwe maze bafungirwa kuri sitade y'amagare ya Velodrome d'Hiver, mbere yo koherezwa mu makambi abanazi biciragamo abayahudi.

Bwana Netanyahu kandi araza no kugirana ibiganiro imbonankubone na Perezida mushya w'Ubufaransa, Emmanuel Macron.

Niwe ministri w'intebe wa mbere wa Isiraheli witabiriye iyi mihango ya Vel d'Hiv.

Uwufise ububasha kw’isanamu AFP
Image caption Iyi foto yo muri 1942 irerekana abayahudi bitegura kwoherezwa mu nkambi ya Auschwitz

Ku bayahudi barenga ibihumbi 13 batawe muri yombi n'igipolisi cy'Ubufaransa ku matariki ya 16 na 17 z'ukwa karindwi muri 1942, abagera ku bihumbi bine bari abana.

Boherejwe mu nkambi abanazi biciragamo abayahudi cyane iyari ahitwa Auschwitz.

Abari munsi y'igihumbi nibo barokotse.