Hafashwe abantu 60 mu bucuruzi bw'inyama z'ifarasi

Igipolisi gisura ahororerwa amafarasi. Uwufise ububasha kw’isanamu Europol
Image caption Igipolisi kigenzura ahantu hororerwa amafarasi.

Abantu barenga 60 batawe muri yombi muri Espagne bashinjwa kugira uruhare mu bucuruzi bw'inyama z'ifarasi.

Izi nyama zagurishijwe mu Burayi bavuga ko ari iz'inka, hari n'ubwo zabaga ari inyama abantu batagombye kurya.

Itabwa muri yombi ry'aba bantu rikurikiye iperereza ryari rimaze imyaka ine rikorwa mu bihugu umunani.

Uwufise ububasha kw’isanamu Europol
Image caption Igipolisi kigenzura inyama mu bagiro.

Igipolisi cyo mu Burayi, Europol, kivuga ko izo nyama ababanje kuzikemanga ari mu gihugu cya Ireland aho ibizamini byerekanye ko zimwe zagurishwaga zitwa ko ari iz'inka.

Igipolisi cyasanze kandi amafarasi yo muri Espagne no muri Portugal yarabaga ashaje cyane ku buryo abantu batarya inyama zayo.

Ngo ntibyabujije rero bamwe kuyabaga maze inyama zayo zoherezwa gucuruzwa mu Bubirigi.

Umunyemali wo mu Buholandi ukekwaho kuba yari ku isonga ry'ubwo bucuruzi yatawe muri yombi muri icyo gihugu.