Spicer aravuga ko kwegura kwe kutatewe n'amakimbirane

Sean Spicer yari ashinzwe kugeza ku banyamakuru ibikorwa na Perezida Donald Trump Uwufise ububasha kw’isanamu AFP
Image caption Sean Spicer yari ashinzwe kugeza ku banyamakuru ibikorwa na Perezida Donald Trump

Sean Spicer, wari umujyanama mu bijyanye n'itangazamakuru wa Perezida wa Leta Zunze Ubumwe z'Amerika, yavuze ko nta gucikamo ibice kurangwa mu butegetsi bwa Leta Zunze Ubumwe z'Amerika.

Amakuru aravuga ko Bwana Spicer yeguye kubera ko atishimiye uburyo Perezida Donald Trump yashyizeho umuyobozi mushya ushinzwe itangazamakuru.

Ariko Bwana Spicer yabwiye televiziyo Fox News ko aticuza amezi atandatu yari amaze muri ako kazi.

Anthony Scaramucci ni we watoranyijwe ngo akore kamwe mu kazi Bwana Spicer yakoraga.

Izi mpinduka mu biro by'umukuru wa Leta Zunze Ubumwe z'Amerika, White House, zibaye mu gihe hari amaperereza menshi ajyanye n'igicyekwa kuba ukwivanga k'Uburusiya mu matora ya perezida w'Amerika yabaye umwaka ushize.

Izi mpinduka zibaye kandi mu gihe hibazwa niba abari bayoboye ibikorwa byo kwamamaza Bwana Trump baba baragambanye n'Uburusiya.