Uburusiya bwagabishije Amerika ku bihano ishaka kubufatira

Perezida Donald Trump (iburyo) na Perezida w'uburusiya Vladmir Putin (ibumoso) Uwufise ububasha kw’isanamu Online (BBC)
Image caption Perezida Donald Trump (iburyo) na Perezida w'uburusiya Vladmir Putin (ibumoso)

Uburusiya bwatanze impuruza ko ibihano bishya bya Leta Zunze Ubumwe za Amerika bizafatirwa Moscow bishobora kubangamira umubano w'ibihugu byombi ku buryo bukomeye.

Minisitiri w'ububanyi n'amahanga wungirije, Sergei Ryabkov, yagereranyije ibyo bihano bya Amerika n'umurima wuzuyemo ibisasu bya mine.

Yanavuze ko ibyo bihano byatewe n'icyo yise ubwoba bw'Uburusiya butangaje.

Inteko ishinga amategeko iaraza gutora itegeko rifatira ibihano Uburusiya kubera uruhare rwo kwivanga mu matora y'umukuru w'igihugu ya Amerika muri 2016.

Ibihano birimo ikumirwa ry'imishinga ishingiye ku bikomoka kuri peteroli ndetse n'umwuka wa gazi.

Igiteye inkeke cyane ni umushingwa uzwi nka Nord Stream hagati y@uburusiya n'Ubudage.

Abanyamakuru bari muri Amerika baravuga ko iri tegeko rishyigikwe cyane n'impande zombi z'Abademokarate ndetse n'Abarepubulikani.

Ariko bitandukanye n'uruhande rwa perezida Trump usa n'uwifata.