Nijeriya ifite urugero rurenga 50% by'abana batiga ku isi

Umwana w'umukobwa wandika ku kibahu Uwufise ububasha kw’isanamu Getty Images
Image caption Guverinoma ya Nijeriya ivuga ko igihugu gifite abana bagera kuri miliyoni 10 n'igice batiga kuri miliyoni 20 bari ku isi yose

Guverinoma ya Nijeriya yavuze ko abana barenga kimwe cya kabiri batajya mu ishuli ku isi bari muri Nijeriya.

Igihe yemeraga uburemere bw'iki kibazo, umunyamabanga uhoraho muri minisitiri y'uburezi, Adamu Hussaini, yavuze ko "bibabaje kubona" Nijeriya ifite abana miliyoni icumi n'ibihumbi magana atanu (10.500.000) batari ku ishuli.

Iyi ni inshuro ya mbere abategetsi muri Nijeriya bemera uburemere bw'iki kibazo.

Zimwe mu mpamvu zitera iki kibazo zirimo izishingiye ku muco ariko abanenga leta batunga agatoki ikibazo cy'amafaranga macye ashyirwa mu mashuri afashwa na guverinoma.

Ishami ry'Umuryango w'Abibumbye ryita ku bana, UNICEF, rifatanyije n'insi miryango bamaze igihe kinini bagaragaza ubukana bw'iki kibazo.

Igihe yasuraga Nijeriya mu cyumweru gishize, Malala Yousafzai, umwana w'umukobwa w'umunya Pakistani uharanira uburenganzira bw'abana bwo kwiga, yahuye na perezida w'agateganyo Yemi Osinbajo, amusaba gutangaza icyo yise "ibihe bidasanzwe by'amateheko y'uburezi muri Nijeriya."

Uwufise ububasha kw’isanamu Reuters
Image caption Impirimbanyi y'uburezi bw'abana Malala Yousafzai yasuye Nijeriya mu cyumweru gishize

Bwana Hussaini yavuze ko abagirwaho ingaruka zikopmeye ari abakobwa, abana baba ku mihanda ndetse n'abakomoka ku matsinda ahora yimuka. Yongeyeho ko iterambere rishingiye ku bukungu risgobora kugerwaho ari uko hari "uburezi budaheza kandi bushimitse".

Ariko umuyobozi w'ishami rya BBC mu rurimi rw'igi Hausa avuga ko ibibazo biri mu rwego rw'uburezi bishingiye ku ingengo y'imari nke ishorwamo, aho kuba ibibazo bishingiye ku muco nk'uko bivugwa na minisiteri.

Yagize ati:

"Amashuli afashwa na guverinoma muri Nijeriya yaraguye bikomeye mu gihe cy'imyaka myinshi kubera kudaterwa inkunga bihagije bigatera abana bava mu miryango ikennye kubura aho bajya hatari mu mihanda."

UNICEF igereranya ko abana bagera kuri 60% by'abatajya ku ishuri muri Nijeriya baturuka mu gace k'amajyaruguru y'igihugu.