Ikibazo cy'abimukira muri EU: urukiko rwavuze ko EU ishobora kwirukana abimukira

Muri 2015 ibihumbi by'abimukira n'impunzi bambutse umupaka bava muri Hongiriya bajya muri Autriche. Uwufise ububasha kw’isanamu Getty Images
Image caption Muri 2015 ibihumbi by'abimukira n'impunzi bambutse umupaka bava muri Hongiriya bajya muri Autriche.

Urukiko rw'Umuryango w'Ubumwe bw'Uburayi, EU, rwanzuye ko abasaba ubuhunzi bazajya babusabira mu gihugu cya mbere binjiriyemo muri EU.

Mu gihe cy'uruza rw'abimukira muri 2015 na 2016 imipaka yarafunguwe, bituma abasaba ubuhungiro babusabira mu bindi bihugu.

Ariko urukoko rwemeye icyemezo cya Uatriche na Sloveniya cy'uko byari bifite uburenganzira bwo gusubiza inyuma abimukira mu bihugu binjiriyemo.

Icyi cyemezo cy'ururkiko gishobora gutuma abasaba ubuhungiro bimurwa.

Mu rubanza rufitanye isano n'uru, umujyanama mukuru w'urukiko yasabye ko abacamanza bemera uburyo bwashyizweho na EU bwo kwimura abasaba ubuhungiro bava mu Bugereki no mu BUtaliyani bakajyanwa mu bindi bihugu.

Abanya Afuganistani banzwe na Autriche

Barimo abagore babiri b'abavandimwe baturuka muri Afuganistani ndetse n'abana babo bageze ku mupaka wa Autriche mu kwa Kabiri 2016.

Umunyamateko Stephan Klammer wo mu muryango ufasha witwa Diakonie yagize ati:

"Baje mu buryo buteguye bafashijwe na guverinoma ya Autriche ndetse n'andi maguverinoma."

Image caption Muri 2015, abantu bangana na 1% by'abaturage ba Autriche batse ubuhungiro muri iki gihugu

Yongeyeho ati:

"Baturutse muri Masedoniya mu minsi micye baturutse muri Autriche. Ku mupaka wa Autriche abo bavandimwe bemerewe kwinjira [mu gihugu] kubera ko bavuze ko bashakaga kujya muri Autriche gusaba ubuhungiro."

Ariko bitandukanye n'abandi banya Afuganisitani, nibigeze bahabwa ubuhungiro.