Pakistan: Minisitiri w'intebe Nawaz Sharif yeguye

Urukiko rw'ikirenga rwa Pakistan rwasabye ko Bwana Sharif adakurikiranwaho icyaha cya ruswa Uwufise ububasha kw’isanamu Getty Images
Image caption Urukiko rw'ikirenga rwa Pakistan rwasabye ko Bwana Sharif adakurikiranwaho icyaha cya ruswa

Nawaz Sharif, Minisitiri w'intebe wa Pakistan, yeguye nyuma yaho umwanzuro w'urukiko rw'ikirenga umwambuye ububasha bwo gukomeza kuri uwo mwanya.

Kwegura kwe kubaye gukurikiye iperereza ryakozwe ku bukire bw'umuryango we ryatangajwe mu mwaka wa 2015 mu cyiswe Panama Papers.

Iryo perereza ryasanze hari isano hagati ya Bwana Sharif n'abana be ku mafaranga abitswe mu masosiyete yo hanze muri gahunda yo kutariha imisoro.

Bwana Sharif yamye ahakana ko nta kibi yakoze.

Abacamanza batanu bo mu rukiko rw'ikirenga bemeje bose nta n'umwe uvuyemo icyo cyemezo cyo kwaka ububasha Bwana Sharif. Icyumba cy'urukiko cyo mu murwa mukuru wa Pakistan, Islamabad, cyari cyakubise cyuzuye.

Itangazo ry'umuvugizi w'ibiro bya Bwana Sharif, rigira riti: "Hakurikijwe umwanzuro w'urukiko, Nawaz Sharif yeguye ku mirimo ye".

Umutekano wari wakajijwe mu rwa mukuru, abasirikare n'abapolisi babarirwa mu bihumbi mirongo bacunze umutekano.

Ejaz Afzal Khan, umwe mu bacamanza, yavuze ko Bwana Sharif atari umuntu "wemerewe n'amategeko kuvugisha ukuri mu nteko nshingamategeko".

Chaudhry Nisar Ali Khan, Minisitiri w'ubutegetsi bw'igihugu muri Pakistan, yari yigeze kugira inama Bwana Sharif kwemera icyemezo cy'urukiko cyo kuri uyu wa gatanu.

Urukiko rw'ikirenga rwa Pakistan rwasabye ko abantu benshi barimo na Bwana Sharif, umukobwa we Maryam n'umugabo we Safdar, Minisitiri w'imari Ishaq Dar n'abandi, bose badakurikiranwaho icyaha cya ruswa.