Kongo: Abana ibihumbi 850 barahunze kubera imirwano

Umuryango w'abibumbye uravuga ko benshi muri aba bana ubu bari kwitabwaho n'imiryango yabakiriye cyangwa bene wabo Uwufise ububasha kw’isanamu Getty Images
Image caption Umuryango w'abibumbye uravuga ko benshi muri aba bana ubu bari kwitabwaho n'imiryango yabakiriye cyangwa bene wabo

Ishami ry'umuryango w'abibumbye ryita ku bana, UNICEF, riravuga ko abana bagera ku bihumbi 850 bahunze iwabo mu ntara ya Kasai iherereye hagati muri Repubulika iharanira demokarasi ya Kongo kubera imirwano.

UNICEF yongeraho ko uku guhunga iwabo ari kumwe mu "ukwibasiye abana benshi" ku isi.

Benshi muri aba bana ubu bari kwitabwaho n'imiryango yabakiriye cyangwa bene wabo.

Imirwano yubuye muri Kasai mu kwezi kwa munani mu mwaka wa 2016 nyuma yaho umutegetsi gakondo yiciwe mu gukozanyaho n'inzego zishinzwe umutekano.

Kuri ubu, imirwano yakajije umurego, ndetse abantu barenga ibihumbi bitatu bayiguyemo. Umuryango w'abibumbye nawo watahuye ibyobo bibarirwa mu macumi byashyinguwemo abantu muri ako gace.

Tajudeen Oyewale, ukuriye by'agateganyo UNICEF muri Kongo, avuga ko bose hamwe, abantu miliyoni 1 n'ibihumbi 400 bataye ingo zabo, barimo ibihumbi 60 bataye ingo zabo mu kwezi kwa gatandatu konyine.