Ishyirwaho rya John Kelly: Trump yasimbuje umuyobozi mukuru muri White House

Kelly na Priebus Uwufise ububasha kw’isanamu Reuters
Image caption Jenerali Kelly (ibumoso) na Reince Priebus

Perezida wa Amerika Donald Trump yashyizeho jenerali John Kelly, wari ukuriye minisiteri yubutegetsi bw'igihugu, nk'umuyobozi mukuru mu bio bya perezida, White House.

Itangazwa ryakozwe na perezida Trump ku wa Gatanu nijoro anyuze ku rubuga nkoranyambaga rwa Twitter, ryakuye Reince Priebus kuri uwo mwanya.

Kuva yajya kuri uwo mwanya, Bwana Priebus yari amaze igihe ku gitutu akekwa kuba ari we uri inyuma yo kunyereza amabanga ayaha itangazamakuru.

Bwana Priebus yabwiye CNN ko yatanze ubwegure bwe ku wa Kane nyuma yo kubiganiraho na perezida Trump.

Uwufise ububasha kw’isanamu AFP

Yagize ati:

"Perezida yashakaga kujya mu kindi cyerecyezo", yongeraho ko atekereza ko Jenerali Kelly ari "amahitamo meza cyane".

Anthony Scaramucci, umaze icyumweru agizwe umuyobozi ushinzwe itangazamakuru muri White House, yashinze Priebus kuba ari we utanga amakuru ku buryo bw'ibanga.

Yanahamagaye umunyamakuru amubwira amagambo akomeye kuri Priebus akoresheje imvugo nyandagazi tutasubiramo hano kuri BBC.

Mu butumwa bwe bwa Twitter perezida Trump yashimye Priebus ku kazi ke ku mwanya yarimo. Mbere yabaje kuba umuyobozi w'inama nkuru y'ishyaka ry'Abarepubulikani (RNC).