RD Congo: Yegereyegere ku mugwa mukuru Kinshasa

Prezida Joseph Kabila wa RD Congo Uwufise ububasha kw’isanamu Reuters
Image caption Prezida Joseph Kabila wa RD Congo

Imirimo irimwo n'ubudandaji yahagaritswe ku mugwa mukuru Kinshasa muri RD Congo, aho amabarabara asa n'ayagaragara inyuma yaho imigambwe itavuga rumwe n'ubutegetsi ihamagarije yegereyegere y'iminsi ibiri.

Iyo migambwe yipfuza kugondoza Prezida Joseph Kabila n'abajejwe amatora ngo bashinge itariki y'amatora.

Ayo matora yari yategekanijwe mu mpera z'umwaka uheze ariko aracerezwa.

Bwana Kabila yategerezwa kuva ku butegetsi mu mwaka uheze, ariko avuga ko azobugumako gushika amatora abe.

Ku munsi wa mbere niburiburi abantu 12 barishwe mu makimbirane hagati y'inteko z'umutekano hamwe n'imigwi igwanya ubutegetsi.