Makwala yabujijwe gusiganwa metero 400

Uwufise ububasha kw’isanamu Getty Images
Image caption Isaac Makwala ari ku mwanya wa munani mu banikira abandi kwiruka metero 400

Urwego rushinzwe imikino ngororangingo ku isi - IAAF - rwashyigikiye icyemezo rwafashe cyo kubuza Isaac Makwala guhiganwa mu mikino ngororamubiri mu rwego rw'isi ibera i Londres muri gahunda yo gukumira indwara irangwa no gucibwamo no kuruka iterwa n'agakoko ka norovirus.

Uyu mugabo ari mubafite amahirwe menshi yo kwegukana umudari muri iyo mikino.

Umunya Botswana, Isaac Makwala w'imyaka 30, yari yizeye gusiganwa muri metero 400 kuwa kabiri ariko ntiyabyemererwa.

Umukuru w'imikino ngororangingo muri Botswana, Falcon Sedimo, yagaye cyane icyo cyemezo.

Ariko ishyirahamwe - IAAF - ryavuze ko rifite amabwiriza yo gushyira mu kato abakinnyi berekanye ibimenyetso by'agakoko ka norovirus.

Yavuze ko abaganga bari basanse Makwala yarerekanye ibimenyetso byo kuruka mu gihe kirenze amasaha 18.

Kuri uyu wa gatatu, Isaac Makwala yabonye itike yo kujya muri kimwe cya kabiri cyo gusiganywa metero 200.

Yirutse wenyine mu masegonda 20.2 .