Kenya: IEBC iravuga ko mudasobwa zayo ntawazinjiyemo

Raila Odinga Uwufise ububasha kw’isanamu Reuters
Image caption Raila Odinga yanze kwemera ibyavuye mu matora by'agateganyo.

Akanama gashinzwe amatora muri Kenya - IEBC - kavuze ko ibivugwa n'abatavuga rumwe na leta ko mudasobwa zako zinjiwemo n'abantu bari bagamije guhindura ibyayavuyemo nta shingiro bifite.

Raila Odinga - ukomeye mu bayobozi b'abatavuga rumwe na leta wari umukandida muri aya matora - yanze kwemera ibyavuye mu matora by'agateganyo byerekana ko Perezida ucyuye igihe Uhuru Kenyatta ari imbere cyane mu majwi.

Umukuru w'indorerezi zo mu muryango wa Commonwealth muri ayo matora, John Mahama (wigeze kuyobora Ghana), yasabye abanyakenya kugumana ituze nyuma yaho abashyigikiye abatavuga rumwe na leta bakozanyijeho n'igipolisi.

Yabwiye BBC ko Kenya iri mu bihe bikomeye kandi ko imvururu zakurikiye amatora yo muri 2007 zaguyemo abantu barenga igihumbi zitagomba kongera kuba.