Kenyatta yasabye abanyakenya kugumana ituze

Uwufise ububasha kw’isanamu Reuters
Image caption Perezida Uhuru Kenyatta

Muri Kenya nyuma yaho bitangarijwe ko Perezida ucyuye igihe, Uhuru Kenyatta, ariwe watsinze amatora y'umukuru w'igihugu aherutse, abamushyigikiye bagiye mu mihanda kwerekana ibyishimo batewe n'intsinzi ye.

Hagati aho, mu duce twumwe dushyikiye umukandida w'abatavuga rumwe na leta - Raila Odinga - habaye ibikorwa by'urugomo.

Image caption Abapolisi bongerewe mu mihanda

Hari amakuru avuga ko igipolisi cyishe kirashe umugabo mu mujyi wa Siaya uri mu burengerazuba bw'igihugu higanje abanyakenya bo mu bwoko bw'aba Luo ari nabo Bwana Odinga akomokamo.

Amaduka menshi kuri uyu wa gatandatu yakomeje gufunga kandi n'abapolisi bongerewe mu mihanda.

Uwufise ububasha kw’isanamu Reuters
Image caption Abashyigikiye Uhuru Kenyatta bishimira intsinzi ye mu matora.

Perezida Uhuru Kenyatta yasabye abaturage kugumana ituze.

Yongeyeho ko nta muntu n'umwe wifuza ko imvururu zakurikiye amatora yo muri 2007 zongera kuba.

Izo mvururu zaguyemo abantu barenga igihumbi naho abagera ku bihumbi 500 bava mu byabo.