Perezida Buhari arasaba ubumwe muri Nigeria

Perezida wa Nigeria Muhammadu Buhari yasabye Abanyanigeriya kuba umwe Uwufise ububasha kw’isanamu Reuters
Image caption Perezida wa Nigeria Muhammadu Buhari yasabye Abanyanigeriya kuba umwe

Perezida Muhammadu Buhari yagejeje ijambo ku Banyanijeriya, nyuma y'amezi atatu ari kwivuza mu Bwongereza.

Mu ijambo ryanyuze kuri televiziyo, Bwana Buhari w'imyaka 74 y'amavuko yavuze ko yababajwe cyane n'abasabaga ko Nigeria icikamo ibice, ahamagarira Abanyanijeriya kuba umwe.

Ariko Perezida Buhari ntiyahishuye indwara ye.

Bwari ubwa kabiri agiye kwivuza uyu mwaka.

Abanyanigeriya benshi bari basabye ko yegura igihe atari ari mu gihugu, bavuga ko adashoboye kuyobora igihugu.

Abandi basabye ko habaho umucyo urushijeho ku cyo arwaye, mu gihe hahwihwiswaga cyane niba azashobora kwiyamamaza bwa kabiri mu mwaka wa 2019.

Visi Perezida Yemi Osinbajo ni we wari wamusigariyeho.

Ariko ubu noneho Bwana Buhari yamaze gusubirana ku mugaragaro inshingano ze nka Perezida.