Ingabo za Irake zinjiye mu nkengero y'umujyi wa Tal Afar

Umutwe wiganjemo Abashia uri gufasha igisirikare cya Irake Uwufise ububasha kw’isanamu AFP
Image caption Umutwe wiganjemo Abashia uri gufasha igisirikare cya Irake

Ingabo za Irake zarwanye zinjira mu nkengero y'umujyi wa Tal Afar, imwe mu ndiri zisigaye muri icyo gihugu z'umutwe w'iterabwoba wiyita leta ya kisilamu.

Kuri uyu wa kabiri, igisirikare cyavuze ko ingabo z'umutwe wo kurwanya iterabwoba zinjiye mu karere ka Kifah kari mu majyepfo y'uburengerazuba.

Uwufise ububasha kw’isanamu AFP
Image caption Bivugwa ko abarwanyi bagera ku bihumbi 2 b'umutwe w'iterabwoba wiyita leta ya kisilamu, ndetse n'abaturage b'abasivili bari hagati y'ibihumbi 10 na 40 bari mu mujyi wa Tal Afar

Umwe mu bayoboye ingabo za Irake yavuze ko abarwanyi b'umutwe wiyita leta ya kisilamu babasubije barasa ibisasu bya roketi ndetse banohereza imodoka zitezeho ibisasu by'ubwiyahuzi.

Ku cyumweru, Minisitiri w'intebe wa Irake yatangije urugamba rw'i Tal Afar, nyuma y'ukwezi ingabo za Irake zigaruriye umujyi wa Mosul.