Nigeria: Imbeba zatumye Perezida agiye kujya "akorera iwe mu rugo"

Muhammadu Buhari yasubiye muri Nigeria nyuma yo kumara igihe kirekire - mu nshuro ebyiri zitandukanye - yivuriza mu Bwongereza uyu mwaka Uwufise ububasha kw’isanamu Reuters
Image caption Muhammadu Buhari yasubiye muri Nigeria nyuma yo kumara igihe kirekire - mu nshuro ebyiri zitandukanye - yivuriza mu Bwongereza uyu mwaka

Perezida wa Nigeria, Muhammadu Buhari, azamara amezi atatu akorera iwe mu rugo nyuma yaho imbeba zangije ibiro bye.

Bwana Buhari nibwo akiva mu Bwongereza aho yamaze amezi atatu hari impungenge ku buzima bwe.

Ariko Garba Shehu, umuvugizi wa leta ya Nigeria, yavuze ko ibiro bya Bwana Buhari bicyeneye kuvugururwa nyuma yo kwangirika kw'ibikoresho byo mu biro n'ibyuma bizanamo umuyaga mu gihe Bwana Buhari atari ahari.

Yabwiye BBC ko Perezida Buhari afite ibiro mu rugo iwe "byujuje ibyangombwa nkenerwa" ashobora gukoreramo "neza cyane".

Bwana Buhari yasubiye muri Nigeria ku wa gatandatu, ariko ntacyo yigeze avuga ku buzima bwe mu ijambo rye rya mbere.