Uvuga ko yakubiswe na Grace Mugabe yatanze ikirego

Madamu Mugabe aregwa gukubita umunyamideli akoresheje urusinga rukoreshwa mu gucomeka ku mashanyarazi Uwufise ububasha kw’isanamu AFP
Image caption Madamu Mugabe aregwa gukubita umunyamideli akoresheje urusinga rukoreshwa mu gucomeka ku mashanyarazi

Umugore ushinja Grace Mugabe - umugore wa Perezida Robert Mugabe wa Zimbabwe - kumukubita yatanze ikirego mu rukiko arega leta y'Afurika y'epfo kuba yarahaye ubudahangarwa Madamu Mugabe.

Nkuko bikubiye mu nyandiko yashyikirije urukiko, Gabriella Engels, uwo mugore watanze ikirego, yavuze ko usibye n'umugore wa perezida, ngo na perezida ubwe nta budahangarwa yagahawe igihe ashinjwa icyaha gikomeye.

Madamu Mugabe yavuye muri Afurika y'epfo ku cyumweru.

Madamu Mugabe ntaragira icyo atangaza ku kirego cy'uko yakubise cyane Madamu Engels muri hoteli iri mu mujyi wa Johannesburg.

Igipolisi cyo muri Afurika y'epfo cyakoze iperereza kuri icyo kirego cyo gukubita, bivugwa ko byabaye ku itariki ya 13 y'uku kwezi kwa munani.

Ariko icyo gipolisi nticyigeze kirega Madamu Mugabe nyuma yaho leta ya Zimbabwe imusabiye ubudahangarwa.

Maite Nkoana-Mashabane, Minisitiri w'ububanyi n'amahanga w'Afurika y'epfo, yavuze ko yababajwe cyane n'ubudahangarwa bwahawe Madamu Mugabe.