Myanmar: Koffi Annan araburira ko leta ya Rakhine ishobora "kwigomeka"

Kuri uyu wa gatatu Bwana Annan yashyikirije Perezida wa Myanmar, Htin Kyaw, raporo yakozwe n'akanama kigenga ayoboye Uwufise ububasha kw’isanamu EPA
Image caption Kuri uyu wa gatatu Bwana Annan yashyikirije Perezida wa Myanmar, Htin Kyaw, raporo yakozwe n'akanama kigenga ayoboye

Akanama kigenga karavuga ko hari "ibyago bigaragara" ko abatuye muri leta ya Rakhine mu gihugu cya Myanmar bashobora kwigomeka niba ikibazo cy'ubushyamirane bushingiye ku moko kidacyemuwe.

Ako kanama kayobowe na Kofi Annan, wahoze ari umunyamabanga mukuru w'umuryango w'abibumbye, kavuga ko hakenewe igisubizo gikomatanya politilki, umutekano na gahunda z'iterambere kugira ngo urugomo rutarenga igaruriro.

Ako kanama kanasaba ko hakurwaho ibihano byafatiwe banyamucye w'abayisilamu bo mu bwoko bwa Rohingya.

Leta ya Rakhine yibasiwe n'ugusubiranamo kwaguyemo abantu, hagati y'abayisilamu na banyamwinshi bo mu idini rya Buddha.

Uwufise ububasha kw’isanamu AFP/Getty Images
Image caption Abagore benshi b'aba Rohingya bavuga ko bafashwe ku ngufu n'abasirikare

Leta ya Rakhine iherereye mu burengerazuba bw'igihugu cya Myanmar. Ituwe n'abayisilamu barenga miliyoni 1 bo mu bwoko bwa Rohingya.

Ubushyamirane bw'aba Rohingya n'abo mu idini rya Buddha bumaze imyaka bututumba.

Aba Rohingya babarirwa mu bihumbi amacumi bahungiye mu gihugu cya Bangladesh. Bashinja abategetsi ba Myanmar gushaka kurimbura ubwoko bwabo.

Umuryango w'abibumbye washinje ubwicanyi igisirikare cya Myanmar, mu bikorwa byo kwibasira abayisilamu b'aba Rohingya byabaye umwaka ushize. Igisirikare cya Myanmar gihakana ibyo birego.

Uwufise ububasha kw’isanamu Reuters
Image caption Abasirikare baragenzura cyane leta Rakhine