Inkubiri y'umuyaga ukaze wiswe "Harvery" muri Texas

Umujyi wa Corpus Christi urakomerewe cyane kubera ubukana bw'umuyaga Uwufise ububasha kw’isanamu AFP
Image caption Umujyi wa Corpus Christi urakomerewe cyane kubera ubukana bw'umuyaga

Umuyaga ukaze wiswe Harvey wibasiye leta ya Texas ugendera ku bilometero 125 ku isaha, ukubita n'inkombe z'ako gace.

Iyi nkubi y'ubmuyaga ni yo ikaze mu gihe cy'imyaka 12 ishize yibasiye ubutaka bwa Leta Zunze Ubumwe za Amerika. Hateganyijwe ko n'imvura iri bugwe.

Perezida Donald Trump yashyize umukono ku mabwiriza atuma leta isohora inkunga igenewe uduce twibasiwe cyane.

Guverineri wa leta ya Texas, Greg Abbott, yatanze impururuza ko hari bube imyuzure ikaze mu duce tumwe na tumwe.

Uyu muyaga wo mu bwoko bwa kane wagushije ibiti mu mujyi wa Corpus Christi ndetse utuma abantu babarirwa mu bihumbi bahunga ingo zabo.

Umuyobozi w'akarere gaturiye aho, Patrick Rios, yashishikarije abaturage bacye bagera ku 10.000 bahasigaye kugenda bwangu.

Televiziyo yo muri Amerika CBS iravuga ko hari umuyobozi ushinzwe kugenzura ibikorwa by'umujyi yavuze ko hari abantu bagotewe mu nzu zicumbikira abageze mu za bukuru aho igisenge cyagwiriye abantu kandi amatsinda ashinzwe ubutabazi ntiyashoboye kubageraho.

Uwufise ububasha kw’isanamu Reuters
Image caption Ibimodoka rutura bitanga umuriro byiteze guhangana n'umuyaga
Uwufise ububasha kw’isanamu Reuters
Image caption Abakora mu iteganyagihe batanze impuruza ko Harvery ishobora gukomeza gutera imvura kugeza mu cyumweru gitaha

Umuyaga wateye imirongo myinshi y'imodoka mu muhanda. Guverineri Abbott yavuze ko bigaragara ko Texas ihanganye n'amahano akomeye cyane kandi ko abantu bagera ku 1.000 bakora mu rwego rw'uburinzi bw'inkombe bari mu gufasha muri iki gikorwa.