Ingabo zoherejwe kubungabunga umutekano nyuma y'uko umuyobozi w'idini ahamijwe gufata ku ngufu

Abantu babarirwa mu bihumbi byinshi bagiye i Chandigarh gushyigikira Singh Uwufise ububasha kw’isanamu Manoj Dhaka
Image caption Abantu babarirwa mu bihumbi byinshi bagiye i Chandigarh gushyigikira Singh

Abasirikare babarirwa mu majana bari kugenzura umujyi wa Panchkula mu majyaruguru y'Ubuhinde nyuma y'uko umuyobozi wo mu rwego rw'idini ahamijwe icyaha cyo gufata.

Nyuma yo guhamwa n'icyaha, icyemezo cy'urukiko cyateye impagarara zanavuyemo impfu z'abantu.

Abagera kuri 30 barishwe ku wa Gatanu mu gihe cy'imyigaragambyo urukiko rumaze guhamya icyaha Gurmeet Ram Rahim Singh.

Singh yahamijwe icyaha cyo gufata ku ngufu abagore babiri ku cyicaro cy'idini rye Dera Sacha Sauda, mu 2002.

Uwufise ububasha kw’isanamu Reuters
Image caption Ikivunge cy'abantu bamenaguye ibirahure by'imodoka mu karere ka Panchkula nyuma y'umwanzuro w'urukiko

Inzego z'umutekano zagabwe gukumira ubushyamirane no kurinda ko hameneka andi maraso nyuma y'uko abantu bashyigikiye Singh bashokeye ahitwa Panchkula hafi ya Chandigarh.

Ubuyobozi bw'intara ya Haryana bwategetse ko ibigo byose bibamo abakunzi ba Singh bisakwa.

Abategetsi bavuze ko inzego z'umutekano ziri bufate intwaro zose babona.

Uwufise ububasha kw’isanamu AFP/Getty Images
Image caption Bamwe mu bayoboke ba Singh bakomeretse bari kuvurirwa ku bitaro bya Panchkula

Amakuru ava mu Buhinde aravuga ko ingabo zagiye hafi y'ikicaro cy'urusengero rwa Singh mu mujyi wa Sirsa mu kugerageza kuvugana n'abari imbere.

Imihanda yerekeza mu marembo y'inyubako yafunzwe ahantu habarirwa abarenga 100.000.

Polisi yataye muri yombi abantu 2.500 b'abayoboke ba Singh nyuma y'uko abantu bagera ku 200.000 bagiriye i Panchkula mbere y'umwanzuro w'urukiko. Bamwe bamenaguye imodoka banatwika imodoka z'itangazamakuru bashimangira ko ari umwere.