Ibiro by'umukobwa w'uwahoze ari perezida wa Zanzibar byatewe

Uwufise ububasha kw’isanamu FACEBOOK
Image caption Fatma Karume, umukobwa w'uwahoze ategeka Zanzibar, Amani Abeid Karume

Icyicaro cy'ikigo cy'amategeko cy'umukobwa w'uwahoze ari perezida wa Zanzibar Amani Abeid Karume, byarashweho igisasu cya bombe.

Ibiro bya Fatma Karume byatewe n'igisasu cya bombe muri iki gitondo.

Ibi biro bikorana n'inzego ndetse n'ibigo bitandukanye birimo iby'ingufu z'amashanyarazi, amabanki ndetse n'inzego za guverinoma.

Madamu Karume amaze igihe ahagarariye Tundu Lissu, utavuga rumwe na guverinoma, mu rukiko ku byaha akurikiranweho by'amagambo acyocyora guverinoma.

Bwana Lissu ahakana ibyo aregwa.

Abaturage bari i Da es Salaam mu mujyi bavuga ko bumvise urusaku rw'ibintu biturika ahayinga saa munani za nijoro, igihe inyubako yuzuraga umwotsi ndetse n'ibimanyu by'amatafari.

Abandi babibonye bavuga ko icyahatahuwe kimeze nka bombe.

Ariko polisi yavuze ko hakiri kare kwemeza ko icyahateye ari bombe.

umwe mu banyamategeko bakora muri iki kigo yabwiye ikinyamakuru muri icyo gihugu ko ibiro byangiritse ariko ko nta kintu cyibwe.

Perezida w'urwego tanganyika Law Society, Tindu Lissu, rukora imirimo ijyanye n'iby'amategeko yamaganye icyo gitero avuga ko kigamije "kwibasira ubwisanzure n'ubwigenge bw'abanyamategeko ndetse n'umwuga w'amategeko."