Harvey: Ubwoba buterwa n'inkubiri y'umuyaga ishobora gutera imyuzure muri Texas

Guverineri wa Texas Greg Abbott (14/07/2015) Uwufise ububasha kw’isanamu Reuters
Image caption Guverineri wa leta ya Texas Greg Abbott yaburiye ko hashobora kugwa imyuzure ikaze.

Guverineri wa leta ya Texas GregAbbott yatanze impuruza ko ahangayikishijwe n'imyuzure ikomeye mu gihe inkubiri y'umuyaga wa Harvery ikomeje gutera imvura.

Bwana Abbott yavuze ko imijyi ya Houston na Corpus Christi yari yamaze kugwamo imvura ya sentimetero 50.

Yavuze ko indi mvura yitezwe mbere y'icyumweru gitaha.

Uwufise ububasha kw’isanamu Reuters
Image caption Abakora mu iteganyagihe bavuga ko impfu nyinshi ziterwa n'imyuzure zibera mu modoka

Ibikorwa by'ubutabazi biri kubangamirwa n'imiyaga ikaze kandi amazu menshi ubu nta mashanyarazi afite. Mu mujyi wa Houston hamaze kwemezwa impfu ebyiri.

Houston, umujyi wa kane munini muri Leta Zunze Ubumwe za Amerika ushobora kugwamo imvura ikaze cyane.

Abanyururu bagera ku 4.500 muri gereza yo mu majyepfo ya Houston bari kwimurirwa mu yandi magereza ari mu burasirazuba bwa Texas kubera ko amayobozi bavuga ko umugezi witwa Brazoz River uri kurengerwa n'amazi.

Uwufise ububasha kw’isanamu AFP
Image caption Agace ka Rockport ntikaseywe n'umuyaga ariko gasanzwe kameze nabi cyane

Harvery yatangiye ari umuyaga ukaze wo mu rwego rwa kane rw'ibipimo by'imiyaga. Ni uwa mbere ukaze wibasiye ubutaka bwa Amerika mu myaka 12 ishize. Ariko waje kumanurwa ku rwego rw'imiyaga ikomeye ku wa Gatandatau.

Uwufise ububasha kw’isanamu AFP
Image caption Bamwe mu baturage ba Rockport babuze inzu zabo ndetse n'ibyabo
Uwufise ububasha kw’isanamu AFP
Image caption Imwe mu miryango iri gusubira mu gace ka Rockport