Trump na Arpaio: Umukuru w'inteko ishinga amategeko Paul Ryana yamaganye icyemezo cya Trump cyo kubabarira Arpaio

Abigaragambya bamaganye icyemezo cya perezida Trump cyo kubabarira Joe Arpaio mu buryo bwo kubashushanya Uwufise ububasha kw’isanamu Reuters
Image caption Abigaragambya bamaganye icyemezo cya perezida Trump cyo kubabarira Joe Arpaio mu buryo bwo kubashushanya

Umukuru w'inteko ishinga amategeko muri Amerika paul Ryan yavuze ko perezida Donald Trump atari akwiye kubabarira uwahoze ari umukuru wa polisi muri leta ya Arizona.

Bwana Ryan yatangaje ayo magambo nyuma y'ukjo perezida Trump ababariye Joe Arpaio, wahamijwe icyaha cyo gusuzugura icyemezo cy'ururkiko mu kwezi kwa Karindwi.

Bwana Arpaio yanze kubahiriza umwanzuro w'urukiko rwamutegetse guhagarika kwibasira abimukira bakekwa kuba batemewe n'amategeko.

Itangazamakuru muri Leta Zunze Ubumwe za Amerika rivuga ko Bwana Trump yagerageje guhagarika urubanza mu gihe cy'amezi menshi ashize.

Ikinyamakuru the New York Times kivuga ko umuyobozi wo mu biro bya perezida kitavuze izina, yemeza ko Trump yabajije umushinjacyaha mukuru Jeff Sessions na Donald F McGhan II, umunyamategeko w'ibiro bya perezida, White House, uburyo ashobora gufasha Bwana Arpaio, wamushyigikiye kuva cyera.

Uwo muyobozi avuga ko Bwana McGhan na Bwana Sessions babwiye Trmp ko ibirego bidashobora kwirengagizwa.

Inkuru yo mu kinyamakurur Washington Post ivuga ko uwo muyobozi yagize ati:

"Nyuma yo kuvugana na Sessions, Trump yafashe umwanzuro wo kureka urubanza rukaburanishwa, noneho Arpaio yahamwa n'icyaha akamubabarira."

Uwufise ububasha kw’isanamu Reuters
Image caption Bwana Ryan ni we muyobozi ukomeye mu ishyaka ry'Abarepubulikani wamaganye icyemezo cya perezida Trump

'Ntacyo imbabazi zigabanuye'

Umuvugizi wa Bwana Trump, Doug Andres yagize ati:

"Umukuru w'inteko ishinga amategeko ntiyemeranya n'icyemezo [cya Trump].

"Abayobozi b'inzego z'umutekano ni abantu bafite inshingano zihariye zo kubahiriza uburenganzira bwa buri muntu muri Leta Zunze Ubumwe za Amerika. Ntitwagobye kumva ko izi mbabazi zigabanuye izo nshingano."

Abandi bantu bakomeye mu ishyaka ry'Abarepubulikani bamaganye icyemezo cya Bwana Trump barimo John McCain n'uwahoze ari guverineri wa Florida Jeb Bush.

Undi musenateri wo muri Leta ya Arizona, Jeff Flake, nawe yamaganye icyi cyemezo cya Trump ndetse n'abo mu ishyaka ry'Abademokarate.

Bwana Arpaio yavuze ko icyaha yahamijwe gishingiye ku mpamvu za politike.

Uwufise ububasha kw’isanamu AFP
Image caption Bwana Arpaio, 85, yashushe nk'uca amarenga ko ashobora kongera kwiyamamariza kuyobora polisi.