Intambara yo kurwanya umutwe wa IS ku mupaka wa Siriya na Libani yabaye ihagaze

Abasirikare ba Libani bishimira intsinzi mu mujyi wa Ras Baalbek Uwufise ububasha kw’isanamu Reuters
Image caption Abasirikare ba Libani bishimira intsinzi mu mujyi wa Ras Baalbek

Agahenge ko guhagarika intambara yo guhashya abarwanyi bb'umutwe wa Islamic State katangajwe ku mupaka wa Siriya na Libani.

Abarwanyi ba Islamic State bamaze igihe barwana n'ingabo za Libani ku ruhande rumwe ndeste na Hezbollah ku rundi ruhande.

Igisirikare cya Libani cyavuze ko ihagarika ry'ibikorwa rizatuma haba ibiganiro ku basirikare icyenda bafashwe bugwate na IS ku mupaka w'umujyi wa Arsal mu 2014.

Amakuru aturuka muri Libani aravuga ko IS "yashegejswe n'intambara igasaba ibiganiro."

Aka gahenge kagiye mu bikorwa saa 07:00 (saa 04:00 ku isaha mpuzamasaha ya GMT).

Uwufise ububasha kw’isanamu Reuters
Image caption Abarwanyi ba Hezbollah bafotowe mu modoka mu mujyi wa Jroud Arsal, hafi y'umupaka wa Libani na Siriya

Aka gahenge kagiye mu bikorwa icyarimwe ku mipaka yombi uyu munsi. Mu byumweru bishize mbere y'imirwano, Hezbollah yari yarwaniye uduce n'undi mutwe w'abarwanyi ndetse iha ibice yafashe ingabo za Libani.

Ibigaragazwa mu ruhame byerekana ko ibi bishaka gukemura umwumvikano mucye hagati y'umubano wa Libani na guverinoma ya Siriya ndetse no kureba uruhare rwa Hezbollah muri iki gihugu.