Cameroon yahagaritse televiziyo "itavuga rumwe na leta"

SCBC itangaza amakuru n'ibiganiro-mpaka bifitiye inyungu Abanyacameroon bavuga ururimi rw'Icyongereza Uwufise ububasha kw’isanamu Scbc
Image caption SCBC itangaza amakuru n'ibiganiro-mpaka bifitiye inyungu Abanyacameroon bavuga ururimi rw'Icyongereza

Leta ya Cameroon yabujije abantu kureba televiziyo ikunzwe cyane itangaza ibiganiro mu Cyongereza, iyo televiziyo ikaba ivuga ko ihagarariye inyungu z'abaturage bavuga ururimi rw'Icyongereza.

Abashinzwe guhitisha amasheni ya televiziyo babwiwe ko bazahanwa niba badahagaritse guhitisha ibiganiro by'iyi televiziyo ya SCBC ifite icyicaro muri Afurika y'epfo.

Ariko ibiganiro by'iyi televiziyo biracyashobora gukurikirwa ku rubuga rwa interineti.

Hashize amezi hari imyigaragambyo muri Cameroon y'abaturage bavuga ururimi rw'Icyongereza, bavuga ko bamagana icyo bita ivangura bakorerwa n'abaturage banyamwinshi bavuga ururimi rw'Igifaransa.

Bamwe mu mpirimbanyi bashinjwa gushaka gucamo Cameroon ibihugu bibiri.

Umunyamakuru wa BBC aravuga ko televiziyo ya SCBC itangaza ibiganiro bivuga ku mateka n'umuco by'igice cya Cameroon kivuga Icyongereza.

Ngo inatangaza ibiganiro n'abacamanza bari mu buhungiro, n'inkuru zicukumbuye ku bikorwa bibangamira ikiremwamuntu muri Cameroon.

Yongeyeho ko uguhagarika iyi televiziyo - byakozwe na Issa Tchiroma, Minisitiri w'itangazamakuru muri Cameroon - byatumye n'abari batayizi bashaka kuyimenya, bakaba bari kugerageza kuyirebera ku rubuga twa interineti.

Leta ya Cameroon yagerageje ndetse inanirwa kumvisha leta y'Afurika y'epfo - aho iyo televiziyo ifite icyicaro - ko igomba guhagarika ibiganiro bya televiziyo ya SCBC.