Ubufaransa: Perezida Macron mu ihurizo ryo kuvugurura amategeko y'umurimo

Ugukundwa n'abaturage kwa Perezida Macron kwaragabanutse mu byumweru bicye bishize Uwufise ububasha kw’isanamu EPA
Image caption Ugukundwa n'abaturage kwa Perezida Macron kwaragabanutse mu byumweru bicye bishize

Leta y'Ubufaransa iyobowe na Perezida Emmanuel Macron yatangiye igikorwa cyo kuvugura amategeko akaze y'umurimo, ibanza guha amabwiriza amashyirahamwe y'abakozi n'ay'abakoresha ndetse na rubanda hanyuma.

Perezida Macron yasezeranyije "impinduramatwara" mu kwongera ingufu z'abakozi, yorohereza abatanga akazi gutanga akazi ndetse no kwirukana abakozi mu buryo bworoshye kurushaho.

Ariko kuva yagera ku butegetsi mu kwezi kwa gatanu, ugukundwa n'abaturage kwe kwaragabanutse.

Byitezwe ko mu kwezi gutaha hazatangira imyigaragambyo y'abatishimiye ayo mavugurura, ariko rimwe mu mashyirahamwe y'abakozi manini cyane riravuga ko ritazitabira iyo myigaragambyo.

Jean-Claude Mailly, umukuru w'ishyirahamwe rw'abakozi Force Ouvrière, yashimagije leta kubera "kugisha inama by'ukuri" no "kuganira ku mibereho".

Bwana Mailly avuga ko ishyirahamwe rye ritazitabira imyigaragambyo iteganyijwe ku itariki 12 z'ukwezi gutaha kwa cyenda.