Umushakashatsi yangiwe gusoma inyandiko za Mitterand ku Rwanda

Iyi foto yafashwe muri 1994 irerekana umusirikare w'umufaransa areba impunzi zihunga mu burengerazuba bw'Urwanda. Uwufise ububasha kw’isanamu AFP
Image caption Iyi foto yafashwe muri 1994 irerekana umusirikare w'umufaransa areba impunzi zihunga mu burengerazuba bw'Urwanda.

Urukiko rurengera itegeko nshinga mu Bufaransa rwashyigikiye icyemezo cy'ubutegetsi cyo kudafungura inyandiko z'umwe mu bategetse icyo gihugu umushakashatsi atekereza ko zishobora kwerekana uruhare rw'Ubufaransa muri jenoside yabaye mu Rwanda muri 1994.

Urwo rukiko rwashyigikiye ingingo ivuga ko inyandiko z'abaperezida b'Ubufaransa zidashobora gufungurwa hatarashira imyaka makumyabiri n'itanu bitabye imana.

Umushakashatsi, Francois Graner, ashaka gusoma inyandiko za nyakwigendera Perezida Francois Mitterand zidashobora gufungurwa kugeza mu mwaka wa bibiri na makumyabiri na rimwe.

Bwana Graner yanditse igitabo gishinja abasirikare b'Ubufaransa gushyigikira interahamwe.

Ibi birego ariko Ubufaransa burabihakana.