Irani yagerageje misile n'ubwo Trump yari yayokeje igitutu

Misile ya Khoramshahr yerekanwe mu gihe cy'akarasisi ka gisirikare ku wa Gatanu Uwufise ububasha kw’isanamu EPA
Image caption Misile ya Khoramshahr yerekanwe mu gihe cy'akarasisi ka gisirikare ku wa Gatanu

Irani iravuga ko yagerageje igisasu cyo mu bwoko bwa misile, mu rwego rwo guhangara perezida wa Amerika Donald Trump.

Igeragezwa ry'igisasu cyiswe Khoramshahr, kigenda ku bilometero 2.000 cyerekanwe kuri televiziyo ya leta. Ntibizwi neza igihe igerageza ryabereye.

Ku wa Kabiri mu nteko rusange y'Umuryango w'Abibumbye, Bwana Trump yanenze gahunda ya Irani y'ibitwaro bya misile ndetse n'amasezerano yagezweho na Irani n'umuryango w'Abibumbye mu guhagarika gahunda y'ibitwaro bya kirimbuzi muri 2015.

Ku wa Gatanu, perezida wa Irani, Hassan Rouhani yavuze ko Irani izongera ubushobozi bwayo bwa gisirikare nk'uburyo bwo gukumira.

Perezida Trump yitezwe kubwira inteko ishinga amategeko ku itariki ya 15 z'ukwa Cumi niba yizera ko Irani yubahirije amasezerano kuri gahunda y'intwaro za kirimbuzi cyangwa niba atekereza ko Amerika yakomeza kuyashyigikira.